COGIE DOMINGO, MAGBABALIK-TELEBISYON SA “IPAGLABAN MO”

Nagbabalik-telebisyon ang aktor na si Cogie Domingo sa kanyang pagganap sa papel na isang asawang pinagtaksilan ng kanyang misis  ngayong Sabado (June 25) sa hit legal drama ng ABS-CBN na “Ipaglaban Mo.”

Mapagmahal na asawa si Dan (Cogie) kay Claire (Yam Concepion) at masipag na ama sa kanilang tatlong anak. Dahil sa pagmamahal sa pamilya at sipag sa trabaho, nakabili si Dan ng bagong bahay at nakapagdesisyon silang lumipat na sa probinsiya.

Lingid sa kaalaman ni Dan, hindi naging madali para kay Claire ang paglipat sa probinsiya dahil nababagot ito sa bahay. Dahil palaging nasa trabaho, hindi napansin ni Dan na nagkakamabutihan na si Claire at ang kanilang kapitbahay na si Mark (Patrick Garcia).

Namulat lamang si Mark sa masahol na katotohanan nang mahuli niyang magkasama sa kama sina Claire at Mark sa gitna ng pagtatalik. Papatayin na sana ni Dan si Mark sa pagkakataong iyon ngunit biglang naglabas si Mark ng baril at itinutok kay Dan.

Nauwi na ba sa patayan ang paghaharap nina Dan at Mark? Tuluyan na kayang mawasak ang pamilya nina Dan at Claire?

Huwag palampasin ang “Ipaglaban Mo” episode na “Kapitbahay” sa ilalim ng direksyon ni Dondon Santos ngayong Sabado (June 25), pagkatapos ng “It’s Showtime” sa ABS-CBN o sa ABS-CBN HD (SkyCable ch 167). Panoorin muli ang nakaraang episodes ng programa via iwantv.com.ph o skyondemand.com.phpara sa Sky subscribers. Para sa updates, i-follow ang @IpaglabanmoABSCBN sa Instagram, @IpaglabanMoCh2 sa Twitter, o i-like angwww.facebook.com/IpaglabanMoABSCBN sa Facebook.