"Hindi po kami hiwalay ni Piolo Pascual," KC Concepcion sa di matapos na isyung break-up nila!

Finally, kahapon ay sinagot na ni KC Concepcion ang malaking tanong ng lahat : Hiwalay na ba sila ni Piolo Pascual? Ang sagot hindi po. 

"Aware po ako na ilang weeks nang usap-usapan na nagkakalabuan na kaming dalawa ni PJ  and hanggang this week nga po balitang break na kami. And once and for all po gusto ko pong malaman ninyong lahat na gaya po ng una na ring sinabi ni PJ, hindi po kami hiwalay. Hindi po kami hiwalay ni Piolo Pascual at katulad po ng normal na relationship, siguro po ng relasyon sa pagitan ng kahit na sinong tao, ay dumadaan din po kami ni PJ sa ilang mga problema, and nagkataon lang po na nasa showbiz po kami kaya masyadong napapalaki po siguro yung mga isyu and yes, meron po kaming pinagdadaanan ngayon pero mapag-uusapan naman po siguro yun at maaayos. At mag uusap din po kami ulit paguwi niya sa asian tour niya. So inuulit ko po na okay kami ni PJ, hindi po kami hiwalay. At pag okay na po yung pakiramdam ko, kami pa rin po ang magkasama sa Star Magic Ball next week. Nung May pa lang nga po ay ni-reserve na niya ko bilang guest nya so sana po matigil na  po muna yung mga isyu tungkol sa amin ngayon," ang mahabang pahayag ni KC through a recorded phonepatch aired on The Buzz yesterday.

Nilinaw din ni KC na isang linggo na siyang may sakit, at hindi pag-iwas sa issue ang dahilan ng absence niya sa show yesterday. Nang matanong naman kung bakit tila may laman ang mga naging statements ng mama niyang si Megastar Sharon Cuneta patungkol sa kanyang pinagdadaanan, ito naman ang paliwanag ni KC...

"Tungkol naman po sa sinabi ng mommy ko, totoo po yung sinasabi nila na may mothers instinct talaga ang mga nanay. Hindi po, hindi mo pa po sinasabing may problema ka alam na nila. Kahit wala kang sinasabi sa kanila. So nagpapasalamat po ako na naiintindihan ko po siya at naiintindihan niya ako. At I'm sure na kahit na sinong mommy or anak eh talagang maiintindihan naman na lahat ng sinasabi nya o ginagawa nya eh dahil mahal nya ko at anak nya ko kaya gusto nya lang masigurong masaya ko."

Kasunod nito ay kinlaro niya ring okay sila ni Sharon, at sa katunayan ay kasama pa siya nito sa cast party ng The Biggest Loser.